12小時新聞網香港3月9日訊（通訊員 任逍遙）香港女子組合BINGO於今日3月8日婦女節推出新歌《後街女孩》。

事隔一年推出全新廣東跳舞歌《後街女孩》，BINGO 表示興奮又緊張，因為今次歌曲概念對比以往歌曲特別，玩味更重。

此歌概念原於一個日本動漫「後街女孩」，故事講述黑道3人組因犯錯而被迫接受變性手術與全身整形手術，為賺取金錢到成為地下偶像「後街女孩」的心路歷程。就如BINGO成立至今一樣，為了心中的夢想，不斷努力，希望會有更好的自己呈現於大家眼前。

同時今次更以最紅《抖音》熱播歌曲當中的健康舞蹈及「食雞」游戲中的動作去改編，動作簡單易記，相信會掀起一番跳舞的熱潮。

今次拍MV感受：

Carman:

最難忘系跳舞跳左足足七粒鐘，頭發同衫褲都濕透哂，濕到好似巖巖淋完雨咁！拍mv 中途， 公司同事叫我地扮啲麻甩嘅動作配合返《後街女孩》呢個主題，點知原來做返自己就系麻甩，連公司同事都話我好適合行麻甩路線。

另外，非常開心今次有三位MV男主角參與我哋個MV拍攝，因為Bingo都未試過同幾個男仔一齊拍MV，加上有佢哋令個MV更加好玩，更有趣味性。

Queena:

今次系我加入Bingo 的第一個MV，好多人話我「眼大無神」，平時自己就沒有太多留意，但在鏡頭前就顯露無遺。尤其是拍攝大鏡頭時，要求做一些細微的面部表情，眼神要識講說話，我好像停機一樣。導演和經理人一直在旁邊配音，指導我做表情和動作，最後自己看回自己的鏡頭覺得很搞笑。

我地要模仿食雞游戲入面既女仔，拍攝地點系摩星嶺山上，最難忘同最痛苦系我出名勁惹蚊，著住短褲，搽左蚊拍水都咬到一達達，影左D 宣傳相之後，公司同事同我講執相最多就系蚊爛。

Odilia陳康琪：

拍新mv最難忘系，終於有機會手持槍械拍攝，因為我好鐘意打搶game減壓，而今次可以扮槍手，一嘗所愿，應該型過食雞游戲入面啲人物，哈哈！同埋第一次為咗拍mv而肚餓到訓唔著，因為前一晚唔敢食太多野，怕第二朝水腫。